अपराध
प्रहरी माथि कुटपिट गर्ने चार जना पक्राउ
सुरक्षा दिन गएका प्रहरी माथि नै कुटपिट, दुई प्रहरी घाइते
![simarekha](https://himalionline.com/uploads/news/images/1453193587received_7053187604799966..jpeg)
रूकुम पश्चिममा प्रहरी माथि कुटपिट गरेकाे आराेपमा चार जना पक्राउ परेका छन् । जिल्लाकाे बाँफिकाेट गाउँपालिका वडा नम्बर ३ मा ड्युटीमा खटिएका प्रहरीलाई नै कुटपिट गरि घाइते बनाएकाे आराेपमा चार जनालाई प्रहरीले पक्राउ गरेकाे हाे ।
पक्राउ पर्नेमा बाँफिकाेट ४ का २८ वर्षीय लक्ष्मण विक, साेही ठाउँका २२ वर्षीय जनक खनाल खत्री, वडा नम्बर ५ का २२ वर्षीय कैलास पुरी, वडा नम्बर ६ का १५ वर्षीय एक बालक रहेकाे जिल्ला प्रहरी प्रमुख प्रहरी निरीक्षक धर्मेन्द्र खड्काले जानकारी दिनुभयाे ।
बाँफिकाेट गाउँपालिका वडा नम्बर ५ का ३४ वर्षीय हिरालाल केसीसंग वडा नम्बर ३ का २७ वर्षीय गाेविन्द बिक, ४ का २२ वर्षिय लक्ष्मण विक र साेही ठाउँका २० वर्षीय सन्जु खड्का लगायतका १२, १३ जना युवाकाे विवाद भएकाे भन्ने खबर आएपछि इलाका प्रहरी कार्यालय बाँफिकाेटबाट सुरक्षा दिन पुगेकाे प्रहरी माथि नै उनीहरूले कुटपिट गरेका हुन ।
कुटपिटबाट दुई जना प्रहरी घाइते भएकाे जिल्ला प्रहरी कार्यालय रूकुम पश्चिमले जनाएकाे छ । घाइते हुनेमा इप्रका बाँफिकाेटमा कार्यरत प्रहरी जवान महेन्द्रबहादुर शाही र प्रहरी चाैकी मग्मामा दरबन्दी भई इप्रका बाँफिकाेटमा कार्यरत प्रहरी जवान हिमराज खड्का रहेकाे जिल्ला प्रहरी कार्यालयका सूचना अधिकारी खड्काले जानकारी दिनुभयो ।
घाइते मध्य शाहीकाे ढाडमा भित्री चाेट लागेकाे र हल्का बाेल्न सक्ने तथा खड्काकाे टाउकाेमा चाेट लागेकाे र बाेल्न सक्ने अवस्था रहेकाे उहाँले बताउनुभयाे । उहाँका अनुसार घाइते दुवैलाई जिल्ला अस्पताल सल्लेमा सामान्य उपचार पछि थप उपचारका लागि मेडिकल कलेज काेहलपुर पठाईकाे छ । फरार रहेका बाँकीकाे पनि खाेजी भइरहेकाे प्रहरीले जनाएकाे छ ।
- कर्णाली संगठन सुदृढ यात्रामा युवा नेता भुपेन्द्र सल्यान,रुकुम हुँदै डोल्पामा प्रवेश
- कांग्रेसका युवा नेता शाहीकाे संगठन सुदृढ यात्रा
- कृष्ण शाही १३ बर्ष सम्म पनि पुरानै हुल्चेयरमा, सबैमा सहयोगकाे अपेक्षा
- रुकुम पश्चिम् का एक युवक छारे राेगले ग्रसित
- मुसिकाेटले जित्याे रूकुम पश्चिमकाे १४ औँ राष्ट्रपति रनिङ शिल्ड
- मुसिकाेटले जित्याे रूकुम पश्चिमकाे १४ औँ राष्ट्रपति रनिङ शिल्ड
- मुसिकाेटले जित्याे रूकुम पश्चिमकाे १४ औँ राष्ट्रपति रनिङ शिल्ड
- मुसिकाेटले जित्याे रूकुम पश्चिमकाे १४ औँ राष्ट्रपति रनिङ शिल्ड
- रुकुम पश्चिमकाे जिल्ला स्तरिय राष्ट्रपति रनिङ शिल्ड बेलटापुमा सुरु
- रुकुम पश्चिमकाे जिल्ला स्तरिय राष्ट्रपति रनिङ शिल्ड बेलटापुमा सुरु