सिस्ने ट्रेल रेस प्रतियोगितामा ६४ वर्षकी पबिता वली प्रथम

रुकुम पश्चिम काे आठबिसकाेट नगर पालिकामा भएकाे तेस्रो सिस्ने ट्रेल रेस प्रतियोगितामा ६४ वर्षकी पबिता वली प्रथम हुनुभएको छ ।

पचास वर्ष उमेर समुह माथिका महिला प्रतियोगिहरुमा वली ४ किलाेमिटर दुरी ५० मिनेट ३४ सेकेण्डमा पार गरेर प्रथम हुनुभएकाे हाे । जसमा ९ जना ५० वर्ष माथिका महिलाहरु सहभागी भएका थिए । 

सिस्ने ट्रेल रेस समितिले ६४ वर्षकी वलीलाई विशेष सम्मान गरेकाे छ । रुकुम पश्चिममा पदमार्ग प्रवर्द्धन गर्ने उद्देश्यले सन्चालन भएको तेस्रो सिस्ने ट्रेल रेस प्रतियोगिता सिस्ने ट्रेल रेस कार्य समिति रुकुम पश्चिम र सिस्ने तेक्वान्दो डोजाङ्ग आठबिसकोट नगरपालिकाले सन्चालन गरेको थियो ।